LAOAG CITY – Natay dagiti uppat a mangngalap iti Sri Lanka kalpasan nga ininum da ti karga dagiti naalaw da a sumagmamano a botelya bayat ti kaadda da iti tengnga ti baybay.
Malaksid kadagiti natay ket adda pay ti dua a sabsabali a kritikal iti ospital.
Basar iti report, napan nagkalap dagiti biktima idi makakita da ti sumagmamano a botelya a tumtumpaw ket innala da kalpasan na ket ininum da gapu ta inpagarop da nga arak dagitoy.
Iti agdama ket manarimaan ti panangim-imbestigar dagiti otoridad seknan iti linaon ti botelya tapno maamoan no apay a pimmusay dagiti uppat a mangngalap.
