LAOAG CITY – Naarestar dagiti uppat a mangngalap iti ili ti Pagudpud babaen ti bileg ti warrant of arrest gapu iti illegal a panagkalap.
Immuna a naarestar ket ti agtawen ti 45, addaan ti live-in partner, ken ti agtawen ti 47, agpada dagitoy a residente iti Barangay Balaoi iti ili ti Pagudpud.
Simmaruno a nakaiserbian ti warrant of arrest kontra iti agtawen ti 49 ken ti agtawen ti 55 a residente metlaeng iti
nadakamat a barangay.
Immunan a naireklamo dagiti akusado gapu iti panaglabsing da iti Republic Act 10654 wenno Philippine Fishery Code.
Nairekomendar ti sag-12 ribo a pisos a piyansa da para iti temporaryo a pannakawaya-waya da.
