LAOAG CITY – Natay ti uppat a miembro ti maysa a pamilya iti napasamak landslide a gubuay ti panagtudtudo na ti napigsa gapu iti super typhoon Yagi idiay Vietnam.
Basar iti report, ti insidente ket napasamak iti kabanbantayan a paset ti probinsya ti Hoa Binh iti Northern Vietnam.
Naamoan a nakalasat ti agtawen ti 51 nga ama ngem ti asawa ken anak na a babai, ken dua nga apoko na ket nagaburan ti nagreggaay a daga.
Kabayatanna, basar iti Vietnamese state media, umabot iti 14 nga indibidual ti natay idinto a 176 a sabsabali dagiti nasugatan iti maibilang kas “most powerful typhoon” iti Asia ita a tawen.
