LAOAG CITY – Inpasingked ni Mayor James Bryan Alcid nga agtultuloy ti panangipaay da ti tulong para kadagiti mannalon ditoy ciudad ti Laoag a maapektaran ti El Niño.
Inbatad na a karaman kadagiti tulong nga agtultuloy a maipaay kadagiti mannalon ket dagiti agricultural inputs, adda wenno awan ti mapasaran a kalamidad.
Malaksid iti daytoy, mangipaay pay ti gobierno lokal ti uppat a mobile solar water pump sakbay nga agngudo ti tawen no sadinno nga adda ti 10 a clusters ti mabenepisyaran iti daytoy.
Kabayatanna, inrakurak ni Mayor Alcid a nagkiddaw ti gobierno lokal ditoy ciudad iti National Irrigation Administration para iti pannakaipasdek ti Bongga Pump iti Barangay Tangid ken Barangay Casili ditoy ciudad ti Laoag tapno adda ti pangalaan ti nayun a supply ti danom dagiti mannalon.
