LAOAG CITY – Temporario a nasuspenso ti pannakaiyimplimentar ti 4-Day workweek scheme ditoy siudad ti Laoag.
Segun ken ni Vice Mayor Rey Carlos Fariñas, daytoy ket mangrugi ita nga aldaw, Marso 30 wenno Lunes Santo agingga inton Abril 1 wenno Mierkoles Santo.
Inbatadna nga agsubli ti 4-Day workweek inton Abril 6.
Mainaig iti daytoy, masapul a siguradoen dagiti amin a department heads ken dagiti mangidadaulo kadagiti amin nga opisina a saan a maitantan ti pannakaipadanon kadagiti serbisio iti publiko nangruna kadagiti adda iti health services, disaster preparedness and response, traffic management ken ti maintenance of peace and order kagiddan iti pannakaobserbar ti Holy Week.
Kabayatanna, inpakaammo ni Vice Mayor Fariñas a maasian kadagiti empleado nga uray Holy Week ket sumrek dagitoy iti 7:30 ti bigat agingga iti 6:30 ti rabii.
