LAOAG CITY – Naarestar dagiti uppat nga indibidual gapu iti illegal a panagsusugal da iti Brgy. 17, Panarattan iti ili ti Paoay.
Basar iti Philippine National Police, dagiti biktima ket agtawen ti 48, 53, 40 ken 38, agpapada dagitoy a residente iti ili ti Paoay.
Segun ken ni Police Capt. Jackson Sugayen, ti chief of police iti ili ti Paoay, nakaawat da ti impormasyon nga adda dagiti agsusugal iti lugar isut gapuna a dagus da a nagresponde, ket ditoy a naaktwaran da ti panagay-ayam dagiti suspek ti “RAKATAK”.
Nakumpiskar dagiti otoridad it lugar dagiti nausar a baraha, lamisaan, dua a cellphone, wallet ken ti maipagarop a pusta dagiti suspek nga umabot iti to P10, 643. 00
Iti agdama, nagtalinaed dagiti suspek iti Philippine National Police iti ili ti Paoay ken manamnama a sumango da iti kaso a panaglabsing ti Presidential Decree 1602 wenno illegal a panagsusugal.
