LAOAG CITY – Umaboten ti agarup 40 a pagtaengan ti nadadael gapu iti agtultuloy a panagalburuto ti bulkan idiay Puna District, Big Island, Hawaii.
Daytoy ti inpakaammo ni Bombo International Correspondent Manny Pascua manipud idiay Hawaii.
Kuna na a nadadael ti uppat a balay gapu iti panagpuswak manen ti lavaiti nababa a lugar ti Puna District idi Biernes.
Segun kenni Pascua, umaboten ti 22 a lugar iti pagpuspuswakan ti lava.
Inbatad na nga adda pay ti uppat a tattao ti naisalakan dagiti otoridad usar ti helicopter.
Innayon ni Pascua a napasamak ti maikadua a kapigsaan a panagbettak ti bulkan iti tenga ti rabii iti Biernes aldaw idiay Hawaii.
