LOAG CITY – Mapagam-amkan a maikkat iti puwesto dagiti 4 a pulis ti ili a Badoc kalpasan a naduktalan nga aggiinom da iti mismo a cuerpo ti pulisya.
Binigbig ni P/Cinsp. Dexter Corpuz, hepe ti Police Community Relations Office ti PNP Prov’l Office dagiti pulis a da PO2 Mark Anthony Cabalse , PO2 Ronald Benebidez, PO2 Marawi Torda ken PO1 Bryan Marzan.
Kuna ni Corpuz, mismo a ni P/Cinsp. Jay de Guzman iti nakaduktal kadagiti uppat a pulis a mayat ti panagin-inumda iti likod ti cuerpo ti pulisya bayat a dimmagas ti opisyal iti panagturong na iti Regional Office ti PNP.
Kuna na nga insigida a dinis-armaran na dagiti nasao a pulis ken inpadalan na iti liquor test ngem nag-negatibo ti resulta.
Nupay no kasta, inbatad ni Corpuz a saan nga isu ti rason tapno saan a matuloy ti panakaipila ti kaso administratibo kontra kadagiti nasao a pulis.
