LAOAG CITY – Natay ti maysa nga ubing kalpasan a nakuryente iti ili a Badoc.
Nabigbig ti biktima a ni Calvin Ziniel Ronque, agtawen iti 4 ken residente iti Bgy. Sta Cruz iti nasao nga ili.
Iti inisyal nga imbestigasyon ti PNP-Badoc, manarimaan nga ay-ayamen ti ubing ti aso na iti nipa hut nga adda iti uneg ti paraangan ti balay da idi aksidente a mabaddekan na ti “extention wire” nga agserserbi a silaw.
Insigida met a naitaray iti ospital ti ubing ngem naideklara a dead on arrival babaen iti Attending Physician a ni Dr. Gracelyn Gureng ti Sto Cristo Milagrosa Hospital iti ili ti Sinait iti probinsiya ti Ilocos Sur.
Manarimaanen ti naun-uneg ti imbestigasyon seknan iti nasao pasamak no kasano a nakuryente ti ubing.
