LAOAG CITY – Umabot ti 40 nga agayan-ayat dagiti nanggundaway ti Mass Wedding a naiwayat iti ili ti Vintar a kageddan ti selebrasyon ti Valentine’s Day.
Naamuan ti Bombo Radyo Laoag a maysa ni Barangay Chairman Rowan Butac iti Brgy. Esperanza iti ili ti Vintar.
Segun kenni Butac, 23 a tawen a nagdenna da kas aglive-in ngem itan ket opisyal nga agassawa dan kalpasan ti mass wedding.
Nagyaman ni Butac iti lokal a gobyerno iti nasao nga ili iti panangiwayat na ti nasao a programa.
Innayon na nga arig nga indauloan na dagiti kabarangayan na iti Esperanza gapu taawan dagiti nakipagpaset iti mass wedding iti kallabes.
Iti mainaig a damag, inpasigurado ni Mr. Joey Leaño, mangidadaulo iti Civil Registry iti ili ti Vintar a libre amin dagiti naipaay kadagiti 40 a pareha a nagkasar.
Libre ti wedding, ti panankailakad dagiti marriage certificate, ken naikkan ti regalo dagiti maseknan manipud kenni Mayor Larissa Foronda ken dagit miembro ti Sangguniang Bayan.
Inbatad ni Leaño nga adda pay ti cake dagiti maseknan, botelya ti wine.
Innayon na nga adda dagiti 10 a pares ti saan pay a naglive-in a kasapulan nga agaplikar da iti marriage license idinto a dagiti 30 a pares a nasuromk lima a tawen a naglive-in ket libre a naipaay ti lisensya ti kasar.
