LAOAG CITY –Natay ti 40 a tattao kalpasan ti panangraut ti Israel iti Lebanon nangruna iti daya a paset ti Baalbek City iti Bekaa Valley.
Malaksid kadagiti pimmusay ket nasugatan pay ti 53, basar iti rekord ti health ministry.
Segun iti health ministry ti pagilian, nasurok a makatawenen a nagpunpinaputok ti Israel ken ti Hezbollah a supsuportaran ti Iran kagiddan ti gubat rinupak a mapaspasamak iti Gaza.
Ngem kimmaro ti rinupak sipud idi Okyuvre 2023, a pinapigsa dagiti tropa ti Israel gapu iti panangpabombo da iti abagatan ken daya a paset ti Lebanon.
Mainaig iti daytoy, binilin ti militar ti Israel dagiti residente iti Lebanon nga agbakwit iti kabiitan a panawen.
