LAOAG CITY – Umabot iti 40 a tattao ti natay kalpasan a rimmaot dagiti lallaki a naka-combat fatigues iti maysa a concert hall iti Krasnogorsk idiay Russia.
Malaksid kadagiti natay, adda pay ti 100 a sabsabali dagiti mapapati a na-trap iti uneg ti pasdek gapu iti pannakauram na gapu kadagiti panagbettak.
Naka-set up metten dagiti otoridad ti police dragnet a gagem na a matiliw dagiti adda iti likudan ti nakaam-ames a pasamak.
Gapu iti daytoy, kinanselar ti Moscow government ti amin a cultural, sporting, ken dadduma pay a mass events kadagiti sumarsaruno nga aldaw.
