LAOAG CITY – Posible a maapektaran ti agarup kagudua a porsiento dagiti trabaho iti intero a lubong iti panagdur-as ti global artificial intelligence market.
Naammoan a kabayatan nga adda ti maitultulong iti panagdur-as dagiti ekonomia ti Artificial Intelligence, adda ti pangta met daytoy a teknolohia iti oportunidad iti trabaho dagiti sumagmamano a tattao kas ballaag ti United Nations trade and development agency UNCTAD.
Mainaig iti daytoy, dagiti immuna a wave ti teknolohia ket makaapektar iti blue-collar jobs, inbatad ti United Nations trade and development agency a mabalin a maapektaran met iti Artificial Intelligence ti knowledge-intensive sectors.
Inrakurak ni agency chief Rebeca Grynspan ti kinapateg ti panangisigurado a dagiti tattao ket adda iti sentro ti Artificial Intelligence development, kagiddan ti panangallukoy ti international cooperation.
