LAOAG CITY – Inpadamag ti World Health Organization (WHO) ti nasaknap nga epekto ti panaginum ti arak, a natakuatan 7% iti populasion ti addaan iti alcohol use disorder.
Mainaig iti daytoy, pito a porsiento ket katupag ti 400 milion a tattao no sadinno 209 milion ditoy wenno 50% ti agbibiag a dependent iti panaginum ti arak.
Mamakdaar ti World Health Organization, ti agtultuloy a panaginum iti arak ket dakkel a pangta iti salun-at, agraman dagiti mangpakaro a sakit.
Manipud iti nasurok a 200 a milion a tattao nga addaan iti alcohol dependence, 3.7% kadakuada ti nataengan.
Kabayatanna, ditoy Pilipinas, inpakaammo ti Institute for Health Metrics and Evaluation idi 2019 nga adda 39,802 a Pilipino ti natay gapu iti nagdumaduma a rason mainaig iti panaginum iti arak.
