LAOAG CITY – Kinumpirmaran ni Engr. Maria Venus Torio, district engineer iti DWPH first engineering district a temporaryo a naisardeng dagiti maipatpatungpal a proyekto kas panangsurot da ti pammilin ti gobyerno kontra ti panagwaras ti coronavirus disease 2019 wenno COVID-19.
Kuna na a babaen iti daytoy nga addang ti departamento ket tapno maipaayan ti proteksiyon dagiti kontraktor nga agipatpatungpal ti proyekto agraman dagiti trabahador.
Segun kenni Torio, addaan ti 41 a proyekto a maipatpatungpal iti agdama.
VC(TORIO)..cue out…pangulo po
Mainaig iti daytoy, inpakaammo ni Torio nga adda dagiti sumagmamano a proyekto idi tawen 2019 ti nagoverlap ita a tawen 2020.
Parikut na iti agdama dagiti proyekto para ita a tawen 2020 gapu ta kasapulan iti pannakaiyalud-od dagiti construction schedule dagiti proyekto ken pagalagadan gapu ti COVID-19.
Kabayatanna, adda ti skeletal work force ti departamento ken 10 nga on-call nga agresponde no bilang kasapulan ti serbisyo da.
Kuna na a malaksid kadagiti nasao nga empleyado ket nakaduty pay dagiti ultilities ken security guard kabayatan ti implementasyon ti enhanced community quarantine.
Nalimitaran met dagiti bisita nga agturong iti opisina da, nagusar da ti alchohol ken face mask, panagala ti temperatura ken dadduma pay a maiyataday kadagiti guidelines ti enhanced community quarantine.
