LAOAG CITY – Ad-adalen ti Department of Education (DepEd) ti “4+1” blended learning model no sadinno nga uppat nga aldaw a face-to-face classes ken maysa nga aldaw nga online learning dagiti estudyante.
Gagem daytoy a makissayan ti panagdudupudop dagiti estudyante kadagiti classroom kabayatan ti panangar-aramid ti solusyon iti panagkurkurang dagiti classroom.
Segun ken ni Department of Education Sonny Angara, maysa daytoy kadagiti addang a kitkitaen ti departamento kabayatan ti pannakaiyalisto ti panagpatakder kadagiti baro a classroom.
Naipresentar ti plano iti 2026 General Assembly ng League of Municipalities of the Philippines iti Pasay City, no sadinno a ginutigot ni Angara ti nasurok a 1,300 a mayor a makitinnulong iti gobyerno tapno masolusyonan ti panagkurkurang iti classroom.
Innayon na a napateg ti papel dagiti lokal a gobierno iti pannakaiyalisto dagiti proyekto iti pagadalan.
Iti agdama, umabot iti sumuruk-kumurang a 165,000 ti kurang dagiti classroom iti pagilian.
