LAOAG CITY – Natay ti 44 a tattao kalpasan ti sumagmamano nga aldaw a pinagtudo na ti napigsa a nangitunda ti layos idiay Mexico.
Ti sumagmamano nga aldaw a pinagtudo na ti napigsa nga intunda ti tropical storms Priscilla ken Raymond ket nagresulta kadagiti landslides ken layos iti lima nga estado idiay Mexico.
Basar iti report, adda ti 18 a tattao a natay iti Veracruz state, 16 iti Hidalgo, siyam iti Puebla ken maysa iti Queretaro.
Iti agdama, makumikum ti gobierno ni President Claudia Sheinbaum para iti maipaay a suporta kadagiti 139 nga ili nga apektado ti kalamidad.
