LAOAG CITY – Narugiananen a nabakunaan iti second dose iti Human Papilloma Virus vaccine dagiti ubbing nga agtawen ti siam agingga ti sangapulo ket uppat ditoy ciudad ti Laoag.
Daytoy ti inbatad ni Dr. Rodrigo Catcatan, ti mangidadaulo ti City Health Office ditoy siudad.
Inadmitir ni Catcatan nga adda pay laeng dagiti nagannak nga agamak a mangpabakuna kadagiti annak da.
Nupay kasta, kuna na nga agtultuloy iti pananggutigot da kadagiti nagannak babaen iti panangilawlawag da a naimbag kadagiti benepisyo a maala dagiti annak da iti panagbakuna iti Human Papilloma Virus vaccine.
Mainaig iti daytoy, kuna ni Dr. Catcatan nga umabot paylaeng iti 45% dagiti ubbing nga agtawen 9 agingga iti 14 iti nakapabakuna iti Human Papilloma Virus vaccine no sadinno a ti target da ket 90%.
Mainaig iti daytoy, inpalgak ni Catcatab a babaen iti panagpabakuna ti nasao a bakuna ket saanna laeng a malapdan ti pannakaiyakar ti human papilloma virus no di ket masalwadan pay ti salun-at dagiti sumarsaruno nga henerasyon.
