LAOAG CITY – Kalikagum ti Parish Pastoral Council for Responsible Voting (PPCRV) a makarehistro ken ag-deploy ti 450,000 volunteers kadagiti polling precinct ken canvassing centers iti nagduduma a paset ti pagilian inton 2025 Midterm elections.
Inpetteng ti Parish Pastoral Council for Responsible Voting a ti panangtutokna iti pannakikoordinar kadagiti miembro ti agtutubo inton eleksion a “non-partisan”.
Inbatad ti organisasion a ti pannakipaset dagiti agtutubo ket napateg iti panangipasigurado a ti demokratiko a proseso ket agtalinaed a napigsa para kadagiti sumarsaruno pay nga henerasion.
Naisayangkat iti kallabes ti Parish Pastoral Council for Responsible Voting ti panagtataripnong idiay Manila nga inatendaran ti 159 coordinators manipud kadagiti diyosesis ken arkidiyosesis iti intero a pagilian kas paset ti panagsagsagana daytoy para inton eleksion.
Iti panagtataripnong, binalbaliwan ti miembro ti grupo a nakabase iti Simbahan ti inkarida kadagiti prinsipio ti clean, honest, accurate, meaningful, and peaceful (CH.A.M.P.) elections.
Kabayatanna, ti Parish Pastoral Council for Responsible Voting ket regular a mabigbigbig ti citizens’ arm ti Commission on Elections (Comelec) iti panawen ti eleksion.
