LAOAG CITY – Nagtalinaed a maag-agasan iti Gov. Roque AblanSenior Memorial Hospital dagiti biktima ti desgrasya iti paset ti Brgy. 9, Susugaen idiay ili ti Pasuquin.
Nabigbig ti driver ti maysa a motosiklo a ni John Cristan Lucas, agtawen ti 27, awanan asawa ken ti lubbon na a ni Prince John Luca, agpada a residente ti Brgy. Ablan, Burgos, Ilocos Norte.
Inturong met ti agtawen ti 17 ti nakadinnungpar na a maysa a motosiko ken ti lubbon na nga agtawen ti 12, agpada a residente ti Brgy. San Juan, Pasuquin.
Ti imbestigasyon ti PNP, nakita ti agnagan ti Nonny Natividad, residente ti Brgy. Ablan ti nasao a desgrasya.
Inbatad na dagiti menor de edad ken agkurba kuma a direksyon idinto a ti motorsiklo nga inturong ni Lucas nagderetso a rason ti panagdinnungpar dagitoy.
Agpada dagiti biktima a nagsagaba ti sugat iti nagduduma a paset ti bagi da a nakaitarayan da iti ospital.
Nagtalinaed met dagiti dua a motorsiklo iti kustudiyar dagiti otoridad.
