LAOAG CITY – Umabot iti 46 a tattao ti natay, pakairamanan ti 37 nga ubbing kalpasan a nalmes da bayat ti selebrasyon ti Hindu religious festival iti eastern India.
Basar iti Disaster Management Official, pimmusay dagiti biktima kalpasan nalmes da bayat ti rituwal a panagdigus da iti karayan kan dan-aw a dinalapos ti nalawa a layos iti laeng kallabes.
Ti 3 nga aldaw a selebrasyon ti Jivitputrika festival ket para iti pagsayaatan dagiti ubbing iti kada tawen ken kasapulan met nga agayunar dagiti inna para kadagiti annak da.
Mainaig iti daytoy, inpetteng dagiti opisyal iti Bihar nga ado dagiti tattao a saan a nangikaso ti kinarisgo ti lebel ti danom iti karayan kabayatan ti panagdidigus da tapno selebraran ti Jivitputrika festival.
Inpasigurado met ti State authorities a ti pamilya dagiti biktima ket makaawat ti kompensasyon.
