LAOAG CITY – Natay ti 46 nga indibidual gapu iti panagkarambola dagiti lugan iti kangrunaan a kalsada idiay Uganda.
Basar iti Uganda Police Force, napasamak ti desgrasia kabayatan a dumaldalyasat ti dua a bus iti agsinnungbangir a direksion idi a kellaat a nag-overtake ti dua pay a dadduma a lugan pakairamanan ti lorry ken kotse iti paset ti Kampala-Gulu Highway.
Ginandat ti maysa kadagiti bus ti agpaigid tapno maliklikan ti insidente ngem nangitunda latta daytoy ti panagdinnungpar.
Napukawan pay ti kontrol ti manibela dagiti dadduma pay a lugan ken nagbaliktad dagitoy.
Niataray dagiti nasugatan a biktima kadagiti nagduduma nga ospital iti laud a probinsia ti Kiryandongo.
Iti maysa nga statement, inrakurak dagiti otoridad a manarimaan ti panangiwayatda ti health and emergency services tapno maberipikar ti bilang ken makaipaay ti husto a pagdur-asan ti imbestigasion.
Mainaig iti daytoy, nangipadanon ni President Yoweri Museveni ti pannakipagladingitna kadagiti maseknan a pamilia dagiti pimmusay a biktima.
Inbilinna a makaawat ti tunggal nagpasina a pamilia ti 5 million shillings ken million shillings kadagiti nasugatan.
Kabayatanna, naammoan a ti highway iti nagbaetan ti capital Kampala iti south ken ti northern city ti Gulu ket maysa kadagiti maibilang a busiest road ti nasao a pagilian.
