LAOAG CITY – Agtultuloy ti imbestigasyon dagiti otoridad mainaig ti panagpakamatay ni PO1 Prescios Lynne Bacong, kameng iti Prov’l Public Safety Company na nakabase iti Camp Capt. Valentin S. Juan.
Daytoy ti inpakaammo ni Police Chief Inspector Samson Amistad, ti chief of police iti Bangui, Ilocos Norte.
Kuna na a napan timmulong ti KIMAT members a dagitoy ket imbestigador manipod kadagiti nagduduma a munisipalidad nga idadaulwan ti investigation section iti Ilocos Norte Police Provincial Office (INPPO).
Segun ken ni Amistad, namintallo a ginandat ni Bacong ti nagpakamatay no sadinno a ti immuna ket nagtumar ti ado ng agas, naglaslas ken ti maikatlo ket maipagarop a nagbekkel a nangitundan ti pannakatay na.
Inpasingked ni Amistad nga iti inisyal a panagim-imbestigar da ket awan ti nakita da a foul play ti pannakatay ni Bacong.
Mainaig ti daytoy, mamati ni Amistad a possible nga adda ti mental problem ni Bacong gapu ta saanna a nakayanan dagiti personal a problema na.
Innayon ni Amistad nga idi nagpakamatay ni Bacong ket isu pay ti graduation ti anak na.
