LAOAG CITY – Awanen dagiti mamon-monitor ti Philippine National Police (PNP) nga illegal nga agsusugal idiay Bangui, Ilocos Norte.
Daytoy ti pinasingkedan ni Police Chief Inspector Samson Amistad, ti chief of police iti ili ti Bangui.
Inlawlawag na nga adda latta dagiti agronronda a kakadwa da ngem awan ti mamonmonitor da nga agsusugal iti nasao nga ili.
Innayon na a no adda man dagiti maipakaammo kadakuada nga illegal nga agsusugal ket iwayatan da a dagus ti operasyon.
Inadmitir ni Amistad nga adda dagiti nagminatay a napan nakisarita kenkuana no mabalin da nga agpasugal ngem naiget ti takder na a maipawil ti agsusugal.
