LAOAG CITY – Naimaldit ti 47.3 degrees celsius a kinapudot ti temperatura idiay Sydney, Australia.
Daytoy ti kinumpirmaran ni Faiel Valenciano agnanaed idiay Sdyney, Australia, tubo ti Benguet.
Kuna na a saan a naapektaran ti sumagmamao nga Overseas Filipino Worker iti naimaldit nga heat wave idi Domingo ti nasao pagilian.
Inbatad ni Valenciano a kalpasan ti panagpudot ti panawen ket nagtudo idi kalman iti nasao a lugar.
Gapu iti daytoy, nagpalagip dagiti otoridad nga agannad iti panagbaliiw-baliw ti panawen kangrunaan idiay Sydney, Australia.
