LAOAG CITY – Agarop 48 a contact tracers dagit nabakunaanen kontra iti covid-19 usar ti astrazeneca vaccine.
Daytoy ti kinumpirmaran ni Major Roxanne Parado, ti head ti Emergency Operation Center for Covid-19 Contact Tracing.
Segun kenni Parado, manipud iti 63 a pakabuklan a bilang dagiti contact tarcers ket 48 laeng dagiti nakapasa iti screening wenno evaluation iti panagbakuna.
Inlawlawag na nga adda dagiti sumagmamano a saan a nakapasa iti screening gapo ta adda dagi low blood ken adda pay dagiti nagnerbyos.
Nupay kasta, manamnama a mabakunaan met laeng dagitoy kalpasan ti sumagmamano nga aldaw.
Naamoan a 55 dagiti contact tracers ti DILG, tallo iti gobierno probinsyal, maysa ditoy ciudad ti Laoag, maysa iti Paoay ken tallo iti Bureau of Fire Protection (BFP).
