LAOAG CITY – Natay ti 48 a pasahero a nakalugan iti eroplano kalpasan a nagsuek daytoy idiay Russia.
Nagsuek ti eroplano iti kabanbantayan ti Amur region nga adda ti 2 a pasahero ken innem a crew ti nakalugan iti Angara Airlines.
Naammoana a naggapu iti Blagoveshchensk nga asideg iti border ti China ti Antonov An-24 nga eroplano idi nagpukaw iti radar screen kabayatan nga umas-asideg iti Tynda airport.
Nabirukan ti Russian civil aviation helicopter ti maur-uram a fuselage manipud iti eroplano iti kabanbantayan a paset manipud iti Tynda.
Inbatad ni Amurs regional governor Vasily Orlov a karaman dagiti lima nga ubbing ti natay gapu iti insidente.
Agtultuloy ti maiwaywayat nga imbestigasion dagiti otoridad ken naideklarar ti tallo nga aldaw a panagladingit.
