LAOAG CITY – Ad-adda pay a lumawlawa ti maiwaywayat a tignay protesta idiay Iran.
Nangrugi ti tignay protesta iti agarup dua a lawasen gapu iti panagbasak ti ekonomia ti Iran.
Basar iti Human Rights Activist News Agency (HRANA) nga umaboten iti 48 nga indibidual ti natay.
Kinumpirmaran ti Iranian government a pinutedda ti suplay ti internet tapno saan a maiwaras dagiti mapaspasamak iti uneg ti Iran.
Naammoan a sipod nangrugi ti tignay protesta idi Disiembre 28 iti Tehran ket nagwarasen daytoy kadagiti 16 a dadduma pay nga ili.
Inballaag ni United States President Donald Trump a makibiangda no kumaro pay ti situasion idiay Iran.
