LAOAG CITY – Ipayal-alisto ti Department of Social Welfare Development (DSWD) ti pannakaipaay ti ayuda dagiti 4Ps beneficiaries iti babaen ti e-wallet.
Segun ken ni Department of Social Welfare Development Asst. Secretary for 4Ps and National Household Targeting System Marites Maristela, gagemda a maaddaan ti umdas a digital financial literacy dagiti amin a 4Ps beneficiaries iti pannakairubuat ti “e-PANALO ang Kinabukasan” program.
Inbatadna a manarimaan ti pannakikoordinarda ti G-Xchange, Inc. nga operator ti GCash; Maya; Land Bank of the Philippines ken pakairamanan ti private sectors pakairamanan ti Ayala ken BPI Foundation.
Kunana a kasapulanen nga agbalin nga accesible, on time ken convenient iti 4Ps beneficiaries ti pannakaawat kadagiti ayuda ken saanen a makissayan pay ti maawatda nangruna kadagiti agnanaed iti nasulinek a lugar.
Masansan a mapaspasamak kadagiti maseknan ket ti panagpila kadagiti ATMs a dakkel a parikot kadakuada.
Kabayatanna, iti naiyuswat a caravan idiay Davao City, dumanon iti 200 a 4Ps beneficiaries ti nakipaset iti diskusyon ken nagutigotda nga agusar kadagiti digital applications para kadagiti paggasgastoanda.
