LAOAG CITY – Lima a bangkay a mapapati a manipod iti mapukpukaw a barko nga MBCA Amejara ti nabirukan.
Daytoy ti kinumpirmaran ni Coast Guard Southeastern Mindanao Commander Commodore Philipps Soria.
Segunken ni Soria, uppat a bangkay ti immuna a narekobre da, ken iti oras ti 11:30-11:45 ti bigat idi kalman ket maysa pay a floating cadaver ti nakita dagiti piloto ti Coast Guard.
Tututukan iti agdama ti Philippine Coast Guard (PCG) ti retrieval kadagiti bangkay, ken makikokoordinar da metten iti Philippine Navy tapno alaen dagitoy.
Inbatad ni Soria nga agtultuloy ti search and rescue operations tapno mabirukan dagiti possible a nakalasat iti insidente.
Naamoan a ti MBCA Amejara ket mapukpukaw idi pay Lunes, Enero 19, kabayatan nga aglaylayag iti Davao Gulf.
Iti report ti PCG, tallo a crew members ken 12 a pasahero pay ti mapukpukaw idinto a maysa a crew member laeng ti naireport a nakalasat.
