LAOAG CITY – Inlawlawag ni Barangay Kagawad Nestle Longboy iti Barangay 23, Sta. Cecilia iti ili ti San Nicolas ti naidanun a reklamo ditoy Bombo Radyo Laoag mainaig iti pannakaibabawi ti nagan dagiti lima nga immuna a naipili a benepisyaryo para iti PBBM Scholarship grant.
Kuna na a kalpasan a napili dagiti lima nga estudyante ket isu met ti pannakaduktal da nga addan ti immuna a nakairamanan da nga scholarship program.
Inadmitir na a naited da payen ti sag-20 ribo pisos kadagiti maseknan nga estudyante ngem kapilitan nga inbabawi da daytoy.
Inbatad na pay nga agbiruk da manen ti sabali a benepisyaryo iti programa a dagitoy ti kwalipikado a makaawat ti tulong.
