LAOAG CITY – Inbinsa-binsa ni Sang. Panlalawigan Member DaVinci Crisistomo, ti Chairman ti Committee on Laws dagiti manarimaan a tratrataren da a kaso administratibo.
Segun kenni Crisistomo, sumbitted for decision ti kaso kontra kenni San Nicolas Mayor Alfredo Valdez Jr.
Inpatalged ti Office of the President ti preventive suspenson ni Mayor Valdez kalpasan ti panagapela da.
Inbatad na a kakaisubmitir ti respondent ti position paper da kalpasan a ngakiddaw da ti extention para iti pannakaisubmitir daytoy.
Kabayatanna, manarimaan met ti pannakadengeg ti kaso administratibo kontra kenni Dumalneg Vice Mayor Francis Espiritu nga inpila ni Mr. Froilan Suniga.
Nalpas metten ti panangipresentar ti nagireklamo dagiti testigo da idinto a manarimaan pay laeng met ti panangipresentar ti partido ti mairekreklamo dagiti testigo da.
Maipalagip nga idi bulan ti Disyembre ket adda ti dua a kaso administratibo nga inpila ni Sang. Bayan Member Reynald Garvida iti ili ti Pagudpud kontra kenni Mayor Rafael Benemerito kasta pay dagiti sumagmamano a Sang. Bayan Member iti ili ti Solsona kontra kenni Mayor Joseph de Lara.
Pasungsungbatan met ti Sang. Panlalawigan dagiti respondent a da Benemerito ken DeLara kalpasan a naikkanen dagitoy ti summon.
Mainaig met iti kaso nga inpila ni Engr. Orlando Perez kontra kenni SBM Reynald Garvida iti ili ti Pagudpud, kuna ni Crisostomo a nadismiss kuma daytoy no nasurot ti pagalagadan iti administrative investigation.
Nupay kasta, nabilin dagiti legal councel dagiti dua a partido nga agisubmitir dagiti dua a partido ti judicial affidavit da agingga idi kalman, agtupos iti bulan ti Enero.
