LAOAG CITY – Natay ti lima a migrant idinto nga 40 a sabsabali dagiti mapukpukaw kalpasan a naarinebnen ti nagluganan da a bangka iti baybay sakop ti Crete, Greece.
Kabayatanna, adda met ti 39 a migrants a naisalakan.
Nangiyuswat a dagus ti operasyon ti coast guard iti Greece usar dagiti barko ken eroplano.
Ti nasao a trahedya ket paset ti nalawlawa a panagngato ti bilang dagiti migrants a simmangpet iti Greece no sadinno a 25% ti nagngatoan na ita a tawen.
Basar pay iti report, ti agtultuloy a karit kadagiti rota nga us-usaren dagiti human trafficker ket magipakpakita laeng ti risgo a sangsangwen ti ado a migrants bayat a gandaten da ti makadanun iti Europa.
