LAOAG CITY – Agtultuloy ti panangbiruk dagiti rescuers idiay Chile ti lima a minero a na-trapped iti pagminasan kalpasan a nagaburan dagitoy gapu iti gingined.
Basar iti state-owned Codelco company, adda ti nakitada a rurog iti El Teniente copper mine iti agarup 70 a kilometro iti abagatan a daya ti kabisera ti Santiago.
Nupay kasta, saan pay a makumpirmaran dagiti otoridad no dagiti rurog a nakitada ket dagiti maseknan a minero.
Mainaig iti daytoy, maysa nga indibidual ti naipadamag a natay idinto a lima dagiti na-trapped iti underground tunnels.
Nagusar ti rescue teams kadagiti heavy equipment tapno mabirukan dagiti nasao a minero.
Naammoan a ti El Teniente ket maibilang a kadakkelan nga underground copper mine nga adda ti kaunegna nga 49 agingga iti 66 a kadapan.
Immuna iti daytoy, nagreggaay ti pagminasan dagiti minero gapu iti 4.2 magnitude a gingined.
