LAOAG CITY – Umabot iti lima a Palestinian ti natay a pakairamanan ti dua nga ubbing kalpasan ti airstrike nga inpabanto ti Israel iti urban refugee camp iti occupied West Bank.
Daytoy ti kinumpirmaran ti Palestinian health ministry.
Inbatad pay ti health ministry a malaksid kadagiti natay gapu iti airstrike ti Israel ket adda pay ti maysa a Palestinian a pimmusay ken dua ti nasugatan iti iraraot ti kalpasan ti iraraot ti Israeli settlers iti asideg ti Bethlehem.
Mainaig iti daytoy, kinumpirmaran ti Israel Defence Forces (IDF) ti panangiyuswat da ti strike iti Nur Shams camp nga asideg ti ciudad ti Tulkarm a ti pinuntirya da ket ti inawagan da ti command room ti “terror cell”.
Kabayatanna, inrakurak ti United Nation nga addan ti 128 a Palestinians, pakairamanan ti 26 nga ubbing ti pimmusay iti Israeli air strikes iti West Bank sipud idi Oktubre 7 iti napalabas a tawen nga iraraot ti Hamas iti Gaza.
