LAOAG CITY – Karaman dagiti lima a Pilipino a pasahero ti Singapore Airlines ti nakapasar ti nakaro a turbulence isu a nag-emergency landing-da idiay Bangkok, Thailand.
Aggapu idiay London ti eroplano ken agturong idiay Singapore idi mapasamak ti insidente.
Gapu iti napasamak ket pimmusay ti agtawen ti 73 a Briton.
Ti Singapore Airlines flight SQ321 ken maysa a Boeing 777-300ER ket addaan ti pakabuklan a 211 a pasahero ken 18 a crew nga aggapu iti Heathrow Airport nga agturong koma iti Changi Airport.
Pakairamanan ditoy dagiti 56 nga Australian, 47 manipod iti United Kingdom, 41 manipod iti Singapore, 23 manipod iti New Zealand, 16 manipod iti Malaysia, lima iti Pilipinas, uppat manipod iti Ireland, uppat manipod iti Estados Unidos, tallo manipod iti India, sagdudua manipod iti Indonesia, Myanmar, Canada ken Spain ken saggaysa manipod iti Germany, Iceland, Israel ken South Korea.
Iti inisyal nga imbestigasion ket posible a tinamaan ti kimat ti eroplano iti paset ti Myanmar maibasar metten iti FlightRadar.
Naitaray iti ospital dagiti 71 a pasahero no sadino pito kadakuada ket nagsagaba ti kritikal a sugat.
Kabayatanna, dimmawat ti panagpadispensar ti airline company ken inpasiguradoda a sungbatanda ti aniaman a gastosen ken bayadan dagiti maseknan a pasahero.
