LAOAG CITY – Nasugatan ti lima a suldado kalpasan a napaltu-paltogan iti United States military base idiay Georgia.
Napasamak ti insidente iti Fort Stewart Hunter Army base.
Naitarayen iti ospital dagiti nasugatan a suldado idinto a ti suspek ket naarestar dagiti otoridad.
Gapu iti insidente ket temporario a naikabil iti lockdown dagiti sumagmamano a paset ti military base.
Agtultuloy nga am-ammoen dagiti otoridad ti motibo ti suspek iti pammaltog.
