LAOAG CITY – Agpapada a nagsagaba ti sugat iti nagduduma a paset ti bagi dagiti uppat a tattao iti panagdinnungpar ti maysa a kotse ken motorsiklo iti Manila-North road bisinidad iti Barangay Bungon idiay ciudad ti Batac.
Nabigbig ti nangiturong ti kotse a ni Federico Crisostomo y Bonilla, agtawen iti 34, awanan ti asawa ken residente iti Brgy. 24 Sta Monica iti ili a San Nicolas idinto a dagiti inlugan na ket da Jomar Lagranas y Bumanglag, agtawen iti 30, addaan ti live-in partner, residente met iti Brgy. 7 San Miguel iti isu met laeng nga ili ken ni Lester Segundu y Agabas, agtawen iti 40, awanan ti asawa ken taga Brgy Poblacion iti ili a Nueva Era.
Kabayatanna, nabigbig met ti nangiturong ti motorsiklo a ni Glen Cabugon y Balagat, agtawen ti 24, private employee ken residente iti Brgy Nalasin iti ili a Paoay, idinto a ti inlubbon na ket ni Cesar De Ocampo y Valentin, naasawaan, agtawen iti 22, private employee ken residente iti Brgy. 2 iti ili ti Carasi.
Iti inisyal nga imbestigasyon, bayat ti panagpapa-amyanan a direksyon ti kotse ket aksidente a nakadinnungpar na ti nasabat na a motorsiklo iti agkurba a paset ti kalsada.
Naitaray dagiti biktima iti Mariano Marcos Memorial Hospital and Medical Center idiay ciudad ti Batac para iti naan-anay a pannakataming da.
Agtultuloy iti imbestigasyon dagiti otoridad iti nasao nga insidente.
