LAOAG CITY – Naalaan ti video ti napasamak a panagbettak iti maysa a mall iti Taiwan a nakatayan ti lima a tattao kete nakasugatan ti 7 a sabsabali pay.
Napasamak ti maipagarop a gas explosion iti food court nga adda iti maika-12 a kadsaaran ti Shin Kong Mitsukoshi mall iti Taichung, Taiwan iti oras ti 11:30 iti bigat ti Huwebes, Pebrero 13.
Naamoan a naipadalan iti konstruksiyon ti nasao a food court ken nakaserra daytoy idi napasamak ti insidente.
Nagpanawagan met ni Taiwan President Lai Ching-te para iti alisto nga imbestigasyon no ania ti makaigapu iti napasamak a panagbettak.
