LAOAG CITY – Addan ti lima a tattao ti kumpirmadon a natay idinto a 86 a sabsabali dagiti mapukpukaw ken adda ti 42 a naisalakan kalpasan a nauram ti MV June Aster iti kabaybayan idiay Coron, Palawan.
Daytoy ket basar ken ni Philippine Coast Guard Commodore Jane Gesulgon, ti district commander iti Palawan.
Napasamak ti uram agarop 1.2 nautical miles amyanan a daya ti Barangay Marcilla iti Coron.
Inbatad ti Philippine Coast Guard a ti commercial vessel MV Jun Aster ket naggapo iti Baseco area iti Manila ken agturong iti Coron idi bigla lattan a napasamak ti uram.
Inpakaammo ti Philippine Coast Guard a ti barko ket nagluganan ti 117 a pasahero ken 17 a crew.
Agtultuloy ti imbestigasyon dagiti otoridad tapno maamoan no ania ti nangitunda iti pannakauram ti barko.
