LAOAG CITY – Nagpalagip ti Department of Labor and Employment (DOLE) kadagiti employer a rumbeng nga ikkan ti lima nga aldaw a bakasyon nga adda ti bayad na dagiti empleado nga addan maysa a tawen na iti trabaho.
Inpetteng ni Mrs. Fresnaida Gundan, ti mangidadaulo ti DOLE ditoy Ilocos Norte, karbengan ti kada empleado a a maikkan ti lima nga aldaw a vacation leave.
Inbatad pay ni Gundan a no ag-overtime ti empleyado uray maysa laeng nga oras ket rumbeng laeng a mabayadan ken no agduty iti rabii ket adda ti night differential iti sweldo na.
Inadmitir ni Gundan nga adda dagiti sumagmamano nga employer ditoy probinsya a naireklamo gapu ti saanda a panangsursurot ti paglintegan.
Saanen a nangipaay ti naan-anay a detalye ni Gundan no siasinno dagiti dakdakamaten na nga employer.
