LAOAG CITY – Insigida a tiniliw ti PNP-Laoag dagiti 5 a menor de edad a lallaki kalpasan a naitudo a dagitoy ti maipagarop a ginang-rape ti dayaw ti maysa a babai nga adda diperensiya ti panagpanpanonot na.
Kinumpirmaran daytoy ni P/Supt Mar Louise Bundoc, ti hepe ti PNP-Laoag.
Segun ken ni Bondoc, idi kalman a napasamak ti nasao nga insidente ken iti mismo a barangay ti biktima ken dagiti suspek ti nakapasamakan ti panagidadanes gapu ta agkabarangayan dagitoy.
Kunana a manarimaan nga agselelfie ti biktima nga addaan iti legal nga edad iti paset ti dike ti barangay da idi maipagarup a gammatan dagiti suspek ken pinilit da a ginuyod iti kasamaken a paset ti dike.
Iti agdama ken addan iti kustodyar ti PNP dagiti suspek idinto a ti biktima ket addan iti kustodyar ti CSWDO bayat nga ad-adalen da no ania dagiti sumaruno a maaramid.
