LAOAG CITY – Nadiskubre ti Estados Unidos a responsable iti panaglabsing kadagiti karbengan ti tao ti lima nga army units ti Israeli Defense Forces.
Iti baet daytoy ket kwalipikado paylaeng amin nga units ti Israeli forces iti panagawat ti military assistance manipod iti Amerika.
Segun ken ni US State Department deputy spokesperson Vedant Patel, nangiyuswat ti Israel ti remediation kadagiti kaso ti 4 nga units na kas panangtungpal it linteg ti United States “Leahy Law” a mapawilan a mangipaay ti military assistance iti security force units a nakaaramid ti gross violations iti karbengan ti tao ken saan a mapagsungbat.
Iti kaso ti maikalima nga ulit, saan pay a masinunuo ti Estados Unidos no adda ti umdas a remediation ken manarimaan paylaeng ti pannakatratar na iti nagbaetan da iti Israel.
Nagkedked metten ti US State Department spokesman a nagkomento iti isyu a nakainaigan ti Israel army units ken no ania dagiti remediation steps nga inaramid da.
Kuna ni Patel a ti kwestyonable nga insidente ti panaglabsing iti karbengan ti tao ti Israel army units ket napasamak iti ruwar ti Gaza sakbay a rimsua ti giyera iti nagbaetan ti Israel ken Hamas idi Oktubre ti napalabas a tawen.
