LAOAG CITY – Natay ti lima nga indibidual iti serye ti air strikes ken drone attacks ti Israel idiay Southern Lebanon, sumagmamano nga oras kalpasan ti nagbalin nga epektibo a ceasefire iti baet ti Israel ken grupo a Hezbollah.
Daytoy ket kalpasan a nangiwayat ti Israeli warplanes ken drones ti panagatake iti Nabatieh area.
Nadadael ti panagbomba ti sumagmaano a residential building ken pagtaengan. Nangiparuk-at met ti artillery fire ti Israel iti Nabatieh ken kadagiti kabangibang a lugar daytoy.
Maipalagip nga immanamong ti Israel ken Hezbollah iti ceasefire kageddan iti nakaro a rinnupak iti Lebanon.
