LAOAG CITY – Natay ti lima nga indibidual kalpasan a nagdinnungpar ti dua nga helicopter iti asideg ti Eura Airport iti amyanan a paset ti Finland.
Segun kadagiti otoridad, napasamak ti insidente iti asideg ti ili ti Kauttua, no sadinno a mabirukan dagiti debris ti helicopter iti kaadayo a 700 a metro manipod iti Ohikulkutie road.
Inbatad ni Detective Chief Inspector Johannes Siirilä ti National Bureau of Investigation a dua nga indibidual ti nakalugan iti maysa nga helicopter idinto a ti maysa ket lima a tattao ti kargana.
Iti agdama, am-amwen paylaeng dagiti otoridad no dagiti helicopter ket agturong iti maysa nga hobby aviation event.
