LAOAG CITY – Kinumpirmaran ni Police Captain Jephre Taccad, ti chief of police iti ili ti Pinili ti pannakabakal ti maysa a pampasahero a bus iti paset ti Barangay Darat ti nasao nga ili.
Inbatad na a nagibaba ti pasahero ti Gabriela Bus iti nasao lugar iti oras ti alas-otso idi rabii idi adda ti kellaat a nagbakal.
Segun ken ni Taccad, natamaan ti akin-kannawan a paset ti bus a nakaburakan ti sarming na.
Inlawlawag ni Taccad nga agtultuloy pay laeng ti panangukkon da ti CCTV footage a nakaimuntar ti lugar ken dash cam ti bus, ken mangnamnama a naala ditoy ti akin-aramid ti napasamak.
Kabayatanna, nangidiaya met ti maysa a kompanya ti bus ti lima ribo a pisos iti makaitudo ti nangbakal ti nasao a bus idiay ili ti Pinili.
