LAOAG CITY – Addan suspek ti napasamak a panagtatakaw idiay Brgy. Daquioag iti ili ti Marcos.
Daytoy ket kalpasan nga inbaga da May Broncano, agtawen ti 24, residente ti Brgy. Daquioag ken ni Lea Pascual agtawen ti 25 residente ti Brgy. Tabokbok agpada nga addaan ti live-in partner ken apoko ti biktima a ni Alejandria Spiegel agtawen ti 75 maysa a US Citizen ken residente ti Brgy. Daquioag iti ili ti Marcos a nakita da ti nangala ti bag a nakaipalaunan ti jewelry box a nakaipalaunan dagiti alahas ni Spiegel.
Basar iti PNP-Marcos, intudo dagiti apoko ti biktima a nakita da ti agnagan ti Amalia Bumanglag, balo manungang ti biktima ken residente ti Brgy. Tabokbok a pinidot na ti Eco Bag color blue a naglaon ti shoulder bag ken nakaikabilan ti jewelry box.
Kalpasan na ket nagturong iti karoroutan a paset ti arubayan ti biktima ket idi agsubli maipagarup nga insawang na nga awan basol na no adda ti mapukaw.
Agbalor ti lima ribo a dolyar ti mapukpukaw nga alahas ti balikbayan.
