LAOAG CITY – Naiget a saan nga umanamong ti lima a senator-judge iti pannakaiparuk-at ti tax ken bank records ni Vice President Sara Duterte kageddan ti bilin ti impeachment court nga ipa-subpoena dagiti ahensia nga akin iggem kadagiti nasao a dokumento.
Dagitoy a senator-judges ket isuda Senators Alan Peter Cayetano, Pia Cayetano, Imee Marcos, Loren Legarda, ken Camille Villar.
Segun ken ni Tongol, agsisina a manifestation ti inpila dagiti lima a senator-judge tapno ipakaammo a saanda nga umanamong iti daytoy. Nupay kasta, kunana a saanna pay a nabasa ti naglaon ti manifestation dagitoy.
Naipila dagiti manifestation kalpasan nga imbilin ni Presiding Officer Francis “Chiz” Escudero ti pannakaiparuk-at ti subpoena iti Bureau of Internal Revenue ken Anti-Money Laundering Council para iti tax ken bank records ni Duterte.
Kuna ni Tongol a masapul a mangsarak ti dadduma a legal a remedio ti siasinno man a partido a mangkwestionar ti desision ni Escudero gapu ta awan ti probision para iti motion for reconsideration iti Senate impeachment rules.
No awan ti nakaikabil a remedio iti impeachment rules, mabalin nga usaren ti partido kas mangbayabay kadagiti partido kas suppletory Rules of Court.
