LAOAG CITY – Lima a tattao dagiti natiliw dagiti kameng ti Philippine National Police (PNP) kalpasan ti inyuswat da nga anti-illegal gambling operation iti Barangay 15 ditoy ciudad ti Laoag.
Nabigbig dagitoy nga isuda Danilo Bruno Ramos, agtawen ti 49, tricycle driver, Charles Molina Juan, agtawen ti 43, tricycle driver, Manilyn Magante Agustin, agtawen ti 26, Rolan Domingo Ramos, agtawen ti 53, ken ni Alvin Abadines Aguilar, agtawen ti 30, agpapada dagitoy a residente ditoy ciudad ti Laoag.
Naamoan a naaktwan a mismo dagiti otoridad ti panagsusugal dagiti suspek kangrunaan na ti maaw-awagan a “pepito”.
Nakumpiskar dagiti otoridad ti kwarta nga agdagop amin ti 6,200 a pisos, 120 a dolyar, maysa a lamisaan, dua a monobloc chairs, dua nga stool chairs ken maysa a set ti baraha.
Maisagsaganan ti kaso a maipila kontra kadagiti nasao a suspek.
