LAOAG CITY – Inaprobaran ti House of Representatives iti maikatlo ken maudi a pannakabasa ti House Bill No. 10971 a maiyalud-od ti lima a termino para kadagiti opisial ti barangay ken Sangguniang Kabataan (SK) manipud iti agdaa nga uppat a tawen.
Immabot iti 211 a mammanday-linteg ti nagbutos a pabor iti bill, idinto a 13 ti saan nga immanamong ken maysa ti nag-abstain. Gapu iti daytoy, maitantan met ken maiyakar iti 2028 ti naikeddeng a 2026 Barangay and SK Elections (BSKE).
Impetteng dagiti supporters a kasapulan ti napapaut a panawen tapno maipaayan dagiti opisyales iti umdas a panawen a mangileppas kadagiti proyekto ken programa kadagiti barangayda.
